doit à la Iustice de ses armes, luy demande la Paix par
l’entremise du Pere commun des Chrestiens, & quite pour l’auoir
tout le profit de la guerre. La Bretaigne suit le bon heur
de ses victoires. Pour rendre la Paix entiere il porte ses armes
dedans les Alpes, Montmellian tremble à sa veuë : Piedmont
deuient frontiere, Milan à peur de l’estre, l’Italïe s’estonne,
mais il fait voir qu’il n’est armé que pour auoir le sien La resistanco
n’empesche la prosperité de ses cõquestes, son pur Zele
au reposipublic arreste le cours de ses desseins. Il reuient triõmphãt,
espous la Screnissime Princesse Matie que le Ciel auoit
declaré Reyne des Vertus auant qu’elle fut saluée Reyne de
France, & les benedictions qu’il donne à ce Mariage seruent
de couronnement aux precedentes, & rendent les fleurs de
Lys eternelles. La seuerité de sa Iustice estoit encores incogneue,
quant le mespris insupportable de sa debonnaireté l’irrita
& la contraignit de laisser perdre ce qu’elle ne pouuoit
amander. A vn seul la peine, la crainte a plusieurs, & l’exẽple
à tous. Il dissipe les malignes influences preparées pour
troubler l’Estat, & renuerse les pensées de ceux qui n’ayant
fait la guerre pour auoir la paix, vouloiẽt troubler la paix pour
renouueler la guerre. Sa diligence guerit des vlceres que la
nonchalance eut rendu incurable. Il vient, il void, il triõphe.
Sedan n’ayant peu fouffrir l’esclair de ce foudre, conuincra de
temerité ceux qui en attendront l’esclat. Son nom glorieux
acquiert tant de creance & d’authorité que ses volontez sont
receues pour loix, & ses conseils pour preceptes infaillibles.
Le Conclaue les respecte l’Italie les honore, les Pays bas s’y
soubsmettent. Soubz les heureux auspices de ceste paix il
iouyt du repos qu’il a donné a tous au prix de son sang, & de trẽte
cinq années de son aage. Il tient vnis les esprits diuisez, tẽpere
les passion, restaure les sciences, restablit par Edict les
exilez par Arrest, fait resleurir les commerce & les art, en telle
sorte qu’il semble que la France n’ait esté abbatue par les
mains ennemies que pour se releuer plus haut par les siennes
victorieuses. Tousiours Auguste redouté, aimé, il voit croistre

Page précédent(e)

Page suivant(e)