trop long à rapporter, où est veu manifestement
les crimes perpetrez par cette ame Mazarine,
toutes lesquelles pieces concluent à la perte de ce
Tyran, & qui ont esté enuoyées à Paris, pour estre
iointes auec le procez qui luy sera fait, afin que par
icelles, les luges puissent prononcer tel Arrest de
mort contre luy, qu’ils verront bon estre.

Neantmoins ie n’obmettray encore d’inserer ce
qui est cotté dans la penultiéme piece, où est remarqué
vne prodition tres noire par vn Contract testifié
par faux tesmoins, remply d’impostures & calomnies
qui tendoient à la perte d’vn Comte & d’vn
Marquis, des Suiets de cette Monarchie Espagnole,
lesquels il accusoit d’intelligence auec quelque Prince
Estranger, & d’auoir par poison fait mourir plusieurs
personnes aussi considerables par leur valeur,
que par leur illustre naissance : toutes lesquelles procedures
ont esté suiuies d’empoisonnement, & consequemment
de grands procez, qui ont ruiné plusieurs
familles, reduites à de grandes extremitez, qui
demandent Iustice ; & partant que Mazarin doit subir
la peine, & son procez fait & parfait : sa Sentence
prononcée, pour estre en consequence supplicié
au lieu patibulaire, destiné aux criminels, perturbateurs
& faussaires.

Ces faits sont assez conneus, il ne sera pas difficile
d’en tirer les conclusions & consequences. Il a butiné
toute la terre, & partant c’est vn Predateur : Il
a mesme extorqué les biens & reuenu des Eglises,
c’est pourquoy à iuste cause on le peut appeller Profane