possedoit la belle Eloquence de six langues, de la
Latine, de la Françoise, de l’Italiene, de l’Alemande,
de la Castillane, & de la Portugaise qui
luy estoit naturelle, qu’en fin il auoit vne si haute
mine, & vn corps si bien proportionné, que
l’Empereur Ferdinand, pere du Roy de Hongrie,
dit la premiere fois qu’il le vit, qu’il auoit vne
presence digne de l’Empire, & que par la blancheur
de son visage accompagnée d’vn vermillon
extremement vif, il tenoit plus de l’Alemand
que du Portugais.

Mais ces Eloges ne font qu’augmenter la douleur
que nous auons de la captiuité de Dom
Edoüard. Ie les finiray donc en adioustant seulement
que c’est celuy qui a seruy neuf ans l’Empire
à ses propres frais, qui a tousiours combattu auec
autant de bon-heur, que de hardiesse & de dexterité,
qui pour defendre le Roy de Hongrie & les
Estats de la maison d’Austriche, a expose mille fois
sa vie dans les dangers, apres auoir abandonné sa
patrie. Il n’est pas besoin de descendre icy au particulier
de ses actions, ny au détail de ses grands
seruices, pource que ce seroit vouloir renfermer
vn sujet infiny dans vn espace limité ; & puis ses
exploits Heroïques estant connus de toute l’Europe,
il n’est pas de la biẽseance de parler icy plus
long-temps de ce qu’on publie de tous costez ;
Il suffit d’auoir donné en ce lieu vne image quoy
qu’imparfaite, des merites & des perfections incomparables