leurs conseils, & comme les bons Patrons de Nauires
font vne partie de la besongne eux mesmes, & se
dispensent de l’autre : appellans quelques vns à la poupe,
ausquels ils mettent le timon en la main : Vous pouuez
en la mesme façon, choisir des plus affidez de vos secrets,
& confier à leur prudence la direction de vos plus hauts
desseins : afin de les porter iusqu’au dernier point, & le
plus absolu de vos volontez, sans que pour cela vostre
authorité en soit aucunement diminuée, ny la force de
vostre Souueraineté en rien du monde amoindrie : Ne
plus ne moins que la diuision de la main en cinq doigts,
n’affoiblit pas la force de toute la main ; mais la rend plus
propre & plus commode à l’vsage de tout artifice. De
mesme aussi, Vostre Maiesté communiquant partie du
maniement de ses affaires à ses plus intimes & fauorits,
ausquels elle a fait part de ses trauaux & de ses peines, reposant
son soing sur leur diligence, fera que les choses
en iront beaucoup mieux, & se traitteront auec plus de
facilité dans l’ordre des suprémes commandements. On
garde tousiours l’anchre sacrée pour les grandes & orageuses
tempestes, le credit & l’authorité pour les grandes
occasions, que les petites ne doiuent pas espuiser afin
que les grandes la rencontrent entiere. Et comme les
deux Galeres, qu’on nommoit à Athenes la Saminienne
& la Parolos n’estoient équippées & mises en pleine
Mer pour toutes sortes sortes d’occurrence & d’affaires,
mais seulement pour les causes vrgentes & necessaires
qui concernoient les choses grandes & difficiles. Ainsi
pouuez vous employer les Plenipotentiaires de vos
Estats pour la conduite des affaires de vos Royaumes,
qui regarde entierement le bien de vos Prouinces, &
par leurs salutaires aduis, moyenner la reconciliation
de vos Couronnes, & donner la Paix à vos subiets. Il est
desormais temps de secouer cette poussiere Martilae,
pour jouir des douceurs d’vne vie plus tranquille, esloignée

Page précédent(e)

Page suivant(e)