Mettent les hommes en chemise,
Et volent les biens de l’Eglise,
Violent femmes & ieunes filles,
Faisant actions inciuilles
Telles que les Turcs & Barbares
Ne feroient pas, ny les Tartares,
Et ny mesme les Sarazins :
Comme ces cruels inhumains,
Lesquels sont bien tantez du Diable
Faire ces chose abominables :
Mais ie croy qu’à la fin Beaufort
Les pourroit bien mettre à la mort,
Comme il a desia fait plusieurs,
Luy & ses gens estans vainqueurs
Desia en quatre ou cinq rencontres,
Là où il a defait ces Monstres,
Comme iadis saisoit Hercule,
Aucunement il ne recule :
Car ayant l’espée à la main,
Il tuë, frappe & abbat soudain.
Ceux qui deuant luy se presentent
S’en reuont l’ame mal-contente,
Les vns ayant les bras cassez,
Et les membres tous fracassez,
Et les autres mordans la terre
Detestent contre ceste guerre,

Page précédent(e)

Page suivant(e)