volé toutes les Finances du Roy : les gages des
gens d’armes & des Officiers de sa Maiesté : &
que personne du monde n’estoit pas payé, ny
aux champs, ny à la ville ; tellement que la paix
estoit par ce moyen là plus insupportable que
la guerre. Que c’estoit aux Princes du Sang
d’auoir le gouuernement que ces Princes
estrangers auoient vsurpé sur eux, pendant la
minorité du Roy, n’ayant à cause de son bas
âge, ny le sçauoir, ny l’experience necessaire
au maniment de ses grandes affaires, ainsi qu’il
a tousiours esté obserué dans tous les autres
Empires de la terre.

Tarquin surnommé Priscus ou l’Ancien,
estranger de nation, s’empara bien de l’Empire
Romain, apres que Ancus Marius quatriéme
Roy de Rome, l’eut institué tuteur testamentaire
de ses enfans, & gouuerneur de tout
son Empire. Antonin surnommé le Philosophe,
Gaulois de nation, se saisit bien de l’Empire
de Rome, apres la mort d’Antonin surnommé
le Debonnaire. Stilicon, Ruffin, &
Gildon ayans esté establis Administrateurs de
l’Empire, & tuteurs des enfans d’Arcadius &
d’Honorius par Theodose, se reuolterent bien
contre leurs Souuerains, pour se vouloir mettre
la Couronne sur la teste.

Tellement que pour empescher tous ces desordres,