& le relega dans vn Monastere. Elle assembla
vn Concile general à Nicée, de trois
cens cinquante Euesques en faueur des Images ;
quelque temps apres son fils s’ennuyant
de son gouuernement, la reduit à vne vie particuliere :
mais luy du depuis s’estant abandonné
aux débauches & aux tyrannies : Irene pratiquant
en cette occasion la faueur du peuple,
se saisit de son fils, & luy fit creuer les yeux.

Theodora veufue de Theophile Empereur
d’Orient eut la Regence de l’Empire, pendant
la minorité de Michel troisiéme son fils, qu’elle
gouuerna auec vne grande prudence : fit remetre
les images des Saints dans les Temples, &
rappella d’exil ceux que son mary y auoit enuoyez.
Fit la paix auec le Roy des Bulgaires ;
puis voyant son fils en âge de gouuerner, elle
luy remit l’Empire entre les mains, & puis apres
elle se rendit Religieuse.

Theodora sœur de Zoé, gouuerna parfaitement
bien l’Empire d’Orient, apres la mort de
Constantin son beau frere, l’espace de trois
mois auec sa sœur. Et puis apres elle le tint toute
seule en grand honneur, & auec vne tranquilité
tout à fait merueilleuse.

Isabelle fille de Philippes IV. Roy de France,
& femme d’Edoüard V. Roy d’Angleterre,
lequel elle déposa du Royaume, & substitua