son beau-frere Comte de Flandres. Il disoit encore
que le Roy Louys VII. auoit preferé ses
propres freres à l’Archeuesque de Reims, en le
donnant tuteur à Philippe Auguste son fils, iusques
à l’âge de quinze ans, qui est le temps auquel
il disoit que la tutelle deuoit finir. Il alleguoit
encore que le Roy Louys VIII. auoit postposé
son frere Philippes à la Reyne Blanche,
laquelle il laissa tutrice de Louys IX. son frere.
Apres cela, il proposoit les exemples du Roy
Louys VII & du Roy Louys IX. qui sortans du
Royaume, ont pendant leur absence, laissé
quelque fois des Abbez de Saint Denis Regens
en France. Et pour son principal poinct, il mettoit
en auant les propres mots de l’Ordonnance
du Roy Charles V. faite pour le regard de la tutelle
du Roy Charles VI. son fils, luy ayant donné
le nom & l’authorité de Roy, nonobstant son
bas âge, toutes Regences ostées à l’aduenir en
quelque âge que les Roys puissent estre. Il adioustoit
encore qu’il seroit bien fascheux que le
Conseil de France fut choisi à l’appetit des ennemis
de l’Estat, voulant taxer par là quelques personnes
qui auoient solicité l’estrãger à la subuersion
du Royaume. Et finalement il s’attachoit à
ceux qui disoient faire profession de l’Euangile,
soustenant que c’estoient à faux titre qu’ils se

Page précédent(e)

Page suivant(e)