Palais, du temps de Charles le Simple, du Roy
sainct Louis, de Charles VI. & de plusieurs autres,
par faute d’auoir assemblé les trois Estats,
afin de donner ordre aux affaires.

La Loy Salique a esté tousiours le fondement
de l’Estat, & elle fut ainsi nommée par
les premiers François, ou parce qu’elle fut escrite
en la salle du Roy, ou parce qu’elle fut
establie sur le fleuue de Sal qui arrose la Franconie,
d’où mesme les François sont appellez
Saliens par les premiers Autheurs de nos Histoires.
Ces Loix ne comprennent pas seulement
le bien des particuliers ; mais encore celuy
du Prince, qui ne permet pas que le Royaume
tombe entre les mains des estrangers, ny
entre les mains des femmes. Et pour vous monstrer
que cette Loy Salique a tousiours esté pratiquée
par les François, & que les Ordonnances
touchant la Tutelle & le gouuernement du
Royaume de France durant la Minorité des
Roys, ont esté tousiours obseruées de la sorte ;
il ne faut que rapporter icy l’exemple de ce qui
fut decidé en l’an 1327. touchant le Roy Philippes
de Valois, successeur du Roy Charles le Bel
son cousin : ce qui fut fait en l’an 1380. du temps
de Charles VI. & ce qui fut arresté en l’an 1484
sur les affaires de Charles VIII.

Si-tost que Charles le Bel fut decedé, laissant