Et vole sur les Elemens
Sans craindre leur murmuremẽts
Amour qui brusle ma poictrine
M’a tracé le pourtrait insigne
De vos diuines qualitez
Pour lesquelles vous meritez
Le don, le present & l’offrende
De la plus superbe chyrlande,
Que iamais Monarque ayt porté
Et ie puis dire en verité
Que ie vous crois entre les Princes
Les plus releués des Prouinces,
Le Coriphée & le Phenix
Vos merites sont infinis
Et mon esprit qui les admire
Tient mon ame en vn doux martire,
Et moblige auecque ferueur
De vous faire don de mon cœur,
Grand prince ma seule esperance
Amour qui par sa violance
S’est rendu maistre de mon corps
Me force a produire dehors,
Le dessein dont la viue flamme
Brusle cruellement mon ame,
Ie n’ay point d’autre passion

Page précédent(e)

Page suivant(e)