par les plus sages, & par les plus anciens
du Royaume, afin que le Roy ou le Fauory, ne
puissent rien faire par ignorance, par passion,
par malice, ou par complaisance, ny contre
l’Estat, ny contre le peuple.

C’est pourquoy on assembloit autrefois les
Estats, & nos premiers Roys auoient accoustumé
de les conuoquer souuent afin de remedier
par ce moyen la aux desordres de la Couronne.
Ce n’estoit ny vn Fauory, ny vn premier
Ministre qui disposoient des affaires à leur
fantaisie pour voler le public & rendre le gouuernement
Monarchique. C’estoit par leur
moyen que le Roy demandoit du secours à ses
peuples, ou du monde, ou d’argent, quand il
en auoit besoin : qu’il donnoit ordre aux gens
de guerre, aux appanages des enfans de France
& au gouuernement du Royaume, & non
pas par le ministere d’vn Conseil, qui n’est qu’ẽ
la teste d’vn seul Fauory qui disposent du bien
des charges, de l’honneur & des dignitez de la
Couronne comme bon luy semble. Et quoy
qu’en puisse dire les ennemis de cette forme de
gouuernement, la France n’a iamais esté
que dans les guerres Ciuiles & dans les diuisions
depuis qu’on a negligé de tenir les Estats
en France. & si le gouuernement de ce Royaume
n’est conduit par cette façon d’agir, ou