Description veritable d’vn Phantosme,
qui s’est apparu dans le
cabinet de la Reyne.

TOVTES les Histoires & sainctes &
prophanes, remarquent qu’il s’est apparu
des spectres & des phantosmes aux Princes
qui ont eu des desseins qui n’estoient
pas difformes aux volontez du Ciel, ainsi Saül Roy
d’Israël auoit tousiours deuant ses yeux vn mauuais
genie qui le persecutoit, Pharaon estoit inquieté
de visions nocturnes, qui luy ostoient la liberté du
raisonnement. Et du temps d’Henry quatre plusieurs
de ses fauoris virent dans la Forest de Fõtainebleau
vn grand veneur qui parlant confusément en
des termes qu’il ne pouuoit estre bien entendu, disoit
à ceux qui le fuïuoient m’entẽdez vous ? m’entendez
vous ; amendez vous, cõme il se voit en l’Hioire Ne
vous imaginez pas neant moins que ces apparitions
soient de mauuais presage puisque dans la Religion
de S. Benoist qui est encienne & tres-Saincte, il ny
meurt iamais aucune Religieuse qu’auparauant on
ne voye euidemment quelque signe de sa mort. (ce
n’est pas que je veuille icy Prophetiser la mort de

-- 3 --

personne, qu’a Dieu ne plaise) seullement ie vous
ay faict ce petit preambule afin que vous iugiez
sincerement de l’apparition qui s’est faicte à la Reyne
de laquelle ie vous fais recit dans les mesmes termes
de la lettre qui m’a esté enuoyee de sainct Germain
en Laye.

 

Madamoiselle de Beauuais passant par le Cabinet
de la Reyne vit sa Maiesté assise proche du feu sur vn
fauteuil, coiffée à la Romaine, la fraize à l’Espagnol,
le, la robbe à la Iesuiste, les manchettes de couleur
incarnatte, le vertuguin à la Veniitenne & sur ses
espaules vne houque à la Flamande parsemee de l’armes
de sang. Sa Maiesté auoit en sa main vn papier
quelle lisoit, & en l’autre vne Callotte Rouge auec
laquelle elle souffloit le feu. Madamoiselle de Beauuais
fut tellement surprise de cette vision, que de
crainte elle lascha son eau, & courut toute esperduë
aux autres femmes de la Reyne leur dire quelle fantaisie
auoit pris à la Reyne de ce faire habiller de la façon,
les autres se gaussant d’elle, luy repartirent que
c’estoit vne de ses resueries ordinaires, & que la
Reyne n’estoit pas encor sortie ce matin de sa chambre
le lendemain vne femme de la Reyne passant,
veit la Reyne en la mesme façon qu’au precedent :
& à l’instant courut le dire à Mademoiselle de Beauuais ;
qui vint voir ce spectre & phantosme, & sçachant
que la Reyne estoit encore au lict, l’alla trouuer
& luy dit. Madame vostre Maiesté est encor au
lict, & neantmoins on la veit en son cabinet. La

-- 4 --

Reyne toute épouuentée y fut auec toutes ses filles
& veit de ses propres yeux le mesme spectre qui
feuilletoit les veritables Propheties de Nostradamus
Imprimee à Selon en l’annee 1534. (& icelle corigee
& augmenté par ledit Nostradamus) & reconoissant
que la figure de ce spectre estoit veritablement le
mesme que l’on luy auoit representé, elle eut grand’
frayeur, & peu apres le phantosme disparut.