LA DISGRACE DV MARESCHAL
de Tureine auec les motifs de sa retraite
ou les Iustes raisons qui l’ont obligé
de quitter le Commandement de l’armée
Mazarine.

CE n’est que le sage qui peust viure
content, & c’est luy seul qui porte
à Iuste tiltre le nom de souuerain, puisque
ce qu’il possede de bon heur, ne releue
que de sa personne. L’ambition, &
l’Auarice, estant insatiables reduisent
tous les courtisans en cet estat deplorable
qu’au milieu du bon-heur, ils sont incapables
de felicité, dans le desordre general
de cet Estat, il aduenu ce qu’on
voyoit chez les Romains, vne fois l’ãnée
à vne feste de desbauche, que le seruiteur

-- 4 --

commande le Maistre, ceux qui doiuent
obeyr dominent, & la gloire qui doit
estre la recompence de la vertu couronné
aujourhd’uy le vice Il est aisé a connoistre
que le C. Mazarin, n’a subsisté
iusques icy, nonobstant toute la faueur
de la Reine que par quelques determinés
& ambitieux, ou plustost par quelques
lasches qui iugeant son restablissement
leur estre vtile, ont voulu appuyer
cette Idole de fortune au despens de leur
Concience & de leur honneur.

 

Le Mareschal de Tureine, est celuy
qui nous à plus estonnés d’auoir abandõné
le party des Princes, pour se jetter
dans le party Mazarin, apres auoir tant
de fois combatu pour la Iustice. Il est
tres constant qu’il ne sçauroit alleguer
aucune raison de ce changement qui tiẽt
plus de la trahison que de la prudence,
quelque succés qui eust peu arriue de sa
conduite. On sçait bien que c’est l’ordinaire
de la cour de promettre beaucoup
pour engager les braues, & de payer
d’ingratitude ceux qui ont le mieux seruy,

-- 5 --

le Mareschal de l’Hospital, &
Monsieur de Villeroy, & Monsieur
Radigues Greffier : Et ont
ordonné l’enregistrement des Lettres
du Roy, auec injonction au
Greffier de faire apporter les Registres
necessaires, procez & productions
des Parties, auec defences
à tous Huissiers, Sergens,
donner aucunes assignatiõs au Parlement
ailleurs qu’en cette Ville,
sur peine de faux, priuation d’Estat
& aux Parties de comparoir ailleurs
sur les mesmes peines, & d’estre
declarez criminels de leze-Majesté :
Et Copies desdites Lettres
seront enuoyées aux Bailliages
& Senéchaussées & villes du ressort,
pour y estre leuë & publiée,

-- 6 --

registrées & executées selon leur
forme & teneur, & aduis dõné aux
autres Parlements. Ils ont aussi dõné
vn autre Arrest sur la Requeste
de Mõsieur le Procureur General,
& sur les aduis qu’il a des Taxes
qu’on fait sur les Bourgeois de Paris :
Et ordonne defenses à toutes
personnes de faire aucunes Taxes
& leuées de deniers sur les Habitãs
de la Ville de Paris, & autres, sans
Lettres Patentes du Roy verifiées
en la Cour, sur peine de la vie,
& de repetitiõ cõtre les Receueurs
& Collecteurs desdits droicts, lesquels
en demeureront responsables,
eux & leur posterité. Et que
l’Arrest sera leu, publié & affiché
par tout où besoin sera, à ce qu’aucun

-- 7 --

n’en pretende cause d’ignorance.

 

Voila ce qui s’est fait en l’Assemblées de ce
nouueau Parlement.

MESSIEVRS

D’ORGEVAL, BALTHASARD.

DE LA BERCHERE, & DE BOVRDEAVX.

-- 8 --