CONFESSION
GENERALE
DE IVLLE MAZARIN.

IE me confesse à Dieu,
tout puissant.

A la bien-heureuse Vierge
Marie.

A S. Michel, Archange.

A S. Iean Baptiste.

Aux bien-heureux Apostres,
S. Pierre & S. Paul.

A tous les Saints.

Ie me confesse au Roy de
France, tousiours puissant.

A la Reyne Mere.

A Mõsieur le Duc d’Orleans.

A M. le Prince de Condé.

A Monsieur de la Melleraye,
& au Chancellier.

A tous les Monopoleurs.

Parce que i’ay trop peché.

En pensées. Tousiours.

En paroles. Ordinairement.

En œuures. Tant que i’ay peu.

D’où ie dis ma coulpe.

C’est pourquoy ie prie la
bien-heureuse Vierge Marie.

S. Michel Archange.

S. Iean Baptiste.

Les bien heureux Apostres
S. Pierre & S. Paul.

Tous les Saints, de prier
pour moy.

Nostre Seigneur.

C’est pourquoy ie prie la
Reyne mere.

Mon protecteur.

Mon Aduocat.

Mes supposts.

Tous les Monopoleurs, d’interceder
pour moy.

Mon Maistre, pour me retirer
ie ne sçay où en seureté.

-- 3 --

Ma derniere Confession est du berceau.

Depuis ce temps i’ay beaucoup peché.

Premieremeut, estant vallet à Rome, i’ay gaigné beaucoup
d’argent en pipant au jeu.

Mais esclaue de mes plaisirs, i’ay gousté toutes fortes devoluptez
des-honnestes.

I’ay peché contre le Pape, l’Empereur, le Roy d’Espagne, &
le Duc de Sauoye.

Car i’ay trompé sa Sainteté, & trahy les trois autres.

Depuis que ie suis Cardinal, i’ay peché contre le Roy de France,
& commis plusieurs crimes contre sa Maiesté, apres en
auoir receu des bien-faits tres-particuliers.

En donnant à la Reyne Mere de pernicieux conseils.

Mettant sa Maiesté & tout son Royaume en tres-grand danger,
& trans-ferant les Iustes de leur pays.

Contre l’Estat.

En entretenant la guerre pour mon interest particulier.

Ruinant tout le Royaume.

Et empeschant la conclusion de la paix.

Contre les Princes.

En accusant les Princes faussement.

Contre les Magistrats.

Dressant des pieges au Tuteur du Roy.

Contre le Peuple.

En rauissant son bien.

En mettant tous les iours de nouueaux imposts.

Contre la Republique.

Troublant le repos public.

I’ay donc pour ennemys, le Pape, l’Empereur, & deux Roys ;
plusieurs Princes, des Prouinces toutes entieres, des villes,
des Magistrats, & des Peuples.

-- 4 --

Les Ecclesiastiques sont contre moy, aussi bien que la Noblesse,
& le Tiers-estat.

Qui voudra me receuoir, ie suis hay d’vn chacun, estant

Vn valet, trompeur, & voluptueux.

Vn homme trompeur, ambitieux & traistre.

Vn Cardinal trompeur, voluptueux, traitre & voleur.

La Sicile m’a engendré, mais elle ne m’a gueres nourry.

L’Espagne ma cognu, mais elle ne m’a pas retenu.

La France ma regeneré, nourry, cognu, & retenu.

En Italie i’ay paru trompeur, & voluptueux.

En Espagne traistre.

Et en France i’ay fait le mestier de trompeur, de volupteux,
de traistre & de voleur.

En Italie i’ay esté cerf.

En Espagne on ma veu libre.

Mais en France ie ne sçay si ie suis dans lesclauage, ou dans la
liberté.

Enfin l’Italie ne m’a pas enrichy.

I’ay gaigné quelque chose en Espagne.

Mais ie me suis tellement soulé dans la France, qu’il n’y a point
de porte assez grande pour me liurer passage.

C’est pourquoy ie voy bien qu’il me faut mourir ou desgorer.

Et apres cela, la porte d’Enfer me fera ouuerte.