Anonyme [1649], RECVEIL GENERAL, De toutes les Chansons mazarinistes. ET AVEC PLVSIEVRS QVI N’ONT point estées chantées. , françaisRéférence RIM : M0_3055. Cote locale : C_8_44.
AIR DV TEMPS :
Sur le chaut, Laissez paistre vos bestes.
LE Cardinal cét animal, Qui est cause de nostre mal, Et son Mulet & son Cheual, Il ruyne tout le peuple, Cét hypocrite & endiablé Cependant cét infame Fait encherir nos bleds, Quoy que ne soyez bestes, Pauures Laboureurs & Marchands, L’on vous veut faire paistre L’herbe parmy les Champs.
Il a rauy tous nos Louys, Pour enuoyer en son pays, Car les Iules en sont banis ; Mais s’il ne les rapporte Il se verra bien-tost puny, Le grand Diable l’emporte, S’il ne les va querir, Quoy que ne soyez bestes, &c.
Et ce pourceau de Chancelier,
La Melleraye s’en est meslé, Qui a esté bien estrillé Et par les Mariniers gaulé ; Les grands Crocs de la Gréue : L’on fait prompement retirer, Et eut des coups de pierre ; Par dessus le marché, Quoy que ne soyez bestes, &c.
Particele, ce gros Dragon, Il eut esté pendu dans Lyon, Ce qui luy fit changer son nom, S’enfuya de la ville Pour se souuer en Auignon, Les Iuifs le retirerent Comme leur Compagnon, Quoy que ne loyez bestes, &c.
Où estoient ces Monopoleurs, Tous ces Partisans & Volleurs, Et de la France les Mineurs : A lors des Barricades, Si l’on les eust peu attrapper Nostre braue Brigade Les eust fait escorcher, Quoy que ne soyez, &c.
Mais Nosseigneurs de Parlement, Donneront bien-tost Iugement : Contre ces traistres insolents Pour mettre à la potence, Et puis de là à Mont-faucon, Cette maudite engeance Helas ! qu’en dira-t’on ? Quoy que ne soyez, &c.
Grand Parlement à cette-fois, A ces Volleurs faites les Loix, Que le bon-temps fassiez reuoir Parmy toute la France, Comme autres-fois il a esté, Par vostre preuoyance, Et grande charité : Quoy que ne soyez, &c.
Et vous Bourgeois, prudents Soldats : Qui vous disposez aux Combats, Pour vn sujet si juste, helas ! Qu’vn Paris dans la France, Ne respire que pour son Roy, Pour estre en asseurance Et viure soubs sa Loy, Quoy que ne soy[illisible] bestes, Pauures Laboureurs & Marchands : L’on veut vous faire paistre L’herbe parmy les Champs.
Anonyme [1649], RECVEIL GENERAL, De toutes les Chansons mazarinistes. ET AVEC PLVSIEVRS QVI N’ONT point estées chantées. , françaisRéférence RIM : M0_3055. Cote locale : C_8_44. |