Arrest de la Cour de Parlement,
donné contre Iules Mazarin :
Sur le chant, Le Roy d’Hongrie & l’Empereur, &c.

 

Enfin tous les Parisiens,
Seront hors de souffrance,
Puisque tous les Italiens,
Sortiront hors de France,
Le Bonnet Rouge est tout confus
Ses Benefices sont perdus
Ce Cardinal, ce Cardinal,
Ne nous fera plus tant de mal.

 

 

Il a tiré l’or & l’argent,
Par des notables sommes
Pour se rendre riche & puissant
Dans la ville de Rome,
Y faisant bastir des Palais,
S’est enrichy pour tout jamais,
Ce Cardinal, &c.

 

 

Il a fait patir en tous lieux,
Le peuple de la France,
Comme vn meschant pernicieux
Les mettant en souffrance
Ne le pouuant plus supporter
Le Diable le puisse emporter,
Le Cardinal, &c.

 

 

Il a contre Dieu & la Loy,
D’vne mauuaise sorte
La nuict enleué nostre Roy,
Pour luy seruir d’escorte
Paris à voulu affamer,
Mais il luy faut se retirer,
Ce Cardinal, &c.

 

 

Enfin Messieurs du Parlement,
Ont dressé sa Sentence,
Qu’il faloit dans huict jours de temps
Qu’il sortit hors de France,
Où qu’il seroit assassiné,
Ainsi comme il a merité
Le Cardinal, &c.

 

 

Les Partisans sont hors d’espoir,
Et ont tous pris la fuitte
Le Cardinal au desespoir,
S’en ira à leur suitte,
Les Monopoleurs sont à cu,
Eussent-ils tous le col rompu,
Le Cardinal, &c.

 

 

Si dans Paris on le tenoit,
On luy feroit grand Feste,
Chacun son corps deschireroit
Et les autres sa teste,
Le Marquis d’Ancre n’eust esté,
Iamais si-bien que luy traitté
Ce Cardinal, &c.

 

 

Prions Dieu pour le Roy Louys,
Et les Princes de France,
Qu’ils le rameine dans Paris,
En grande réjoüyssance,
Et pour Messieurs du Parlement,
Qui ont dressé le Iugement,
Au Cardinal, au Cardinal,
Qui nous auoit fait tant de mal. FIN.