EVESQVES
ausquels on a fait le procés.
IL y a onze siecles qu’Auitus Archeuesque de Vienne, escriuant
par ordre des Euesques de France, aux Senateurs de la
Ville de Rome, touchant l’Assemblée des Euesques qui s’y
faisoit pour faire le procez au Pape Simmachus, en l’an 503.
leur mande & leur fait cette confession volontaire & modeste ;
Subditos nos esse terrenis potestatibus iubet arbiter cœli, staturos nos ante
Reges & Principes in quacunque accusatione prædicens.
Conc. Gall.
tom. 1. fol.
158.
Le Pape Pelage escriuant à Narses Lieutenant general de
l’Empereur Iustinien en Italie, le blasme & le reprend de ce
qu’il faisoit difficulté de courre sus, & de punir quelques Euesques
qui s’oublioient de leur deuoir ; & condamnant son respect
& sa timidité, il l’assure qu’il a droit pouuoir de les poursuiure
& chastier ; Nolite dubitare, dit-il, eiusmodi homines principali
vel judiciali authoritate comprimere, cum mille alia exempla & constitutiones
sint, quibus euidenter agnoscitur vt facientes scissuras in sancta
ecclesia non solum exiliis, sed etiam proscriptione rerum, & dura
custodia per publicas potestates debeant coërceri. Il n’y auoit que quatre
ou cinq centans que les Euesques estoient connus, bien moindres
en nombre, & bien plus releuez en vertu, & neantmoins
voicy vn grand Pape qui assure qu’il y a mille exemples & mille
Constitutions qui les sousmettent & qui les assuietissent à la
Iustice temporelle des rois & des souuerains, qui ne les iugent
pas parce qu’ils sont Euesques, mais seulement parce
qu’ils sont criminels, & indignes d’estre Euesques.
Can. 43. de
Liguribus.
Can. 45. relegentes
23.
quæst. 5.
Le pape Felix pria l’empereur Zenon par vne Epistre expresse
de chasser de son siege, pierre Euesque d’Antioche, &
le declarer degradé par son ordonnance ; les empereurs
-- 63 --
Theodose & valentinien condamnerent Irenée Euesque de
Tyr à estre depossedé, parce qu’estant bigame il ne pouuoit
estre Euesque suiuant les canons. estant à remarquer que l’execution
de ce iugement est addressée au magistrat seculier,
non pas pour faire les ceremonies necessaires en semblables
actes, mais pour les faire faire suiuant les termes de cette ordonnance.
Dans les commandemens que l’Empereur Constantin
faisoit aux Euesques de se trouuer au concile de Tyr,
il menaçoit ceux qui ne luy obeïroient pas de deputer vn des
siens, pour d’authorité royale les chasser de leurs sieges.
Cod. leg. 3.
de sanct.
Trinit.
Theod. hist.
lib. 1. cap. 29.
Pour ne rapporter pas mille & mille autres preiugez de cette
nature, venons aux domestiques.
Chilperic I. du nom fit faire le procez criminel à Chartier
Euesque de Perigueux, pour auoir escrit contre luy, comme
tesmoigne fauchet en ses Antiquitez Françoises.
Fauchet, liu.
4. chap. 2.
Paul Emile,
liu. 1. en Clotaire
II.
Fauchet, Antiq.
Franc.
liu. 5. chap. 5.
Nicol. Gilles,
Annalles de
France, ann.
830.
Clotaire II. voulut qu’on proceda criminellement en l’an
619. contre Leudemon Euesque de Sion, accuse d’auoir conspiré
contre sa Majesté.
Enuiron l’an 830. louis le Debonnaire fit mettre prisonnier
à Angers Theodulphe Euesque d’Orleans, l’vn des fauteurs
de la conspiration de Bernard Roy d’Italie son nepueu, contre
luy, lequel louis estant à la procession le jour de Pasques Fleuries,
passant deuant la prison où estoit cet Euesque, & l’entendant
chanter, Gloria laus, & honor tibi, &c. il s’arresta deuant la
porte, & le fit mettre en liberté, ordonnant que cette prose ou
ces Versets seroient chantez chacun an le jour des rameaux à
la procession, ce qui se prattique encore aujourd’huy dans le
royaume.
Innocent Euesque du Mans fut priué par Charles le Chauue
de la jurisdiction qu’il auoit sur le chapitre de l’Eglise du
Mans, pour auoir fait creuer les yeux à deux chanoines conuaincus
d’adultere.
Bouchel, instice
criminelle
de Frãce,
tit. 33.
chap. 8.
Ce mesme Roy fils de louis le Debonnaire, ordonna qu’on
fit le procés criminel à Hincmar Euesque de Laon, accusé d’auoir
conspiré contre sa Majesté, & de s’estre soustrait de l’obeïssance
de l’Archeuesque de Rheims son Metropolitain ;
cette procedure qui fit grand bruit entre le pape & le Roy, se
peut voir auec toutes ses circonstances dans les œuures d’Hincmar
-- 64 --
Archeuesque de Rheims, tom. 2. Opuscul. & Epistol. titul. 42.
Flodoard. hist. Remens. ann. 870. lib. 3. cap. 1. & les autres citez en
marge.
Baron. ann.
tom. 10. ann.
870.
Concil. Gener.
tom. 6.
fol. 1060.
Conc. Gall.
to. 3. fol. 374.
Fauchet des
Ant. Franc.
liu. 10. chap.
2. & 12.
Belle forest,
Annalles de
france, liu.
2. chap. 60.
Du Chesne
en la vie
d’Adrian II.
Duplex hist.
de France,
tom. 2. en la
vie de Louis
VI. dit le
Gros.
Louis le gros faisant faire le procés à Estienne Euesque de
paris, pour le peu de fidelité qu’il tesmoignoit à son seruice ;
l’Archeuesque de sens voulant le proteger en qualité de son
Metropolitain, fut également chastié de sa temerité, & de fon
peu de prudence. ces deux Prelats irritez & mal contens, se
roidissans contre leur Souuerain, & cherchans les moyens de
se vanger de la justice de ses poursuites l’excommunierent, dequoy
sa Majesté s’estant plaint au Pape Honoré II. il cassa &
annula leur censure, comme donnée par des Iuges passionnez
& sans pouuoir contre leur Roy.
En l’an 1217. Philippe Auguste rendit Arrest contre Manasses
Euesque d’Orleans, comme remarque la Saussaye en sa vie.
Pierre de la Breche grand Chambellan de France, sur-Intendant
des finances, & depuis Euesque de Bayeux, estant
conuaincu de trahison, & de descouurir les secrets de l’estat
au Roy d’Espagne, & mesme d’auoir contribué à la mort du
prince louis fils aisné de Philippe III. laquelle il voulut rejetter
sur la reine marie, fut condamné par Arrest d’estre pendu
& estranglé au gibet de paris.
Brouius annal.
tom. 13.
ann. 1278.
num. 11.
Aubert hist.
des Rois de
France, en
Philippe III.
Sous le Roy louis xi. Iean Hebert Euesque de constance,
fut assigné pour respondre deuant le parlement des crimes
dont il estoit accusé ; il y comparut, & apres auoir esté interrogé
il fut arresté & mene prisonnier dans les prisons de la conciergerie,
& tous ses biens, & le temporel mesme de ses benefices
confisquez.
Chroniq. de
louis XI. à
la fin de
Monstrelet.
preuues des
libertez de
l’Eglise Gallic.
fol. 159.
Nous auons remarqué cy-dessus en parlant du Cardinal Baluë,
comme ce mesme Roy fit arrester guillaume de Haraucourt
Euesque de Verdun, & le mener dans la bastille.
En l’an 1486. le Roy Charles VIII. fit faire le procez criminel
aux Euesques de Perigueux, & de Montauban, accusez de
crime de leze-Majesté, & ce par des Commissaires du Parlement
de Paris.
Sponde annal.
tom. 2.
ann. 1489.
num. 6.
Duplex hist.
de France, en
Charl. VIII.
Lucius Arrest.
lib. 2.
tit. 2.
Vn de nos plus anciens & plus considerables compilateurs
d’arrests, en rapporte deux de l’an 1549. contre les Euesques
d’Agen & de Beziers.
-- 65 --
En l’an 1591. Henry IV. ayant pris Louuiers en Normandie,
claude de Xainctes Euesque d’Eureux se rencontrant parmy
les prisonniers fut mené & conduit à Caën, où le parlement
de Roüen estoit transferé, lequel luy fit son procés criminel à
cause qu’on trouua parmy ses papiers vn escrit par lequel il
deffendoit comme juste & Chrestien le parricide commis en la
personne de Henry III. soustenant de plus qu’il estoit permis
d’en faire autant à Henry IV. qui eut cette bonté neantmoins
de porter ses Iuges à ne point le condamner à la mort comme
il le meritoit, mais à vne prison perpetuelle seulement, & ce
à la priere du cardinal de bourbon, & d’autres Euesques qui
s’employerent pour luy, quoy qu’indigne d’aucune grace.
Monsieur le President de Thou qui rapporte cette Histoire,
prononçant sur le doute de nos Mazarins, & sur l’erreur de
nos Euesques, dit en ce mesme endroit, & au sujet de ce malheureux
Prelat, que ; Non Sacri Ordinis prærogatiuæ in crimine læsæ
Majestatis apud nos ratio habetur, sed in conuictos, siue sacerdotes,
siue episcopi sint, tanquam solutos ac profanos legum seueritas exercetur.
Thuan. histor.
lib. 101.
Guillaume rose Euesque de Senlis, qui auoit esté vne des
plus esclatantes trompettes de la ligue, ne pouuant moderer
sa passion, quoy que Henry IV. luy eut pardonné tout le passé,
fut condamné par Arrest du parlement de paris, du 5. Septembre
1590. A faire amende honnorable dedans la grand’Chambre, où
s’estant presenté auec le rochet & le camail, il fut admonesté
par les gens du Roy, qui auoient du respect à ces ornemens
Pontificaux, de les laisser & les despouїller, mais s’estant opiniastré
au contraire, il executa l’Arrest en cet habit, & pontificalement
contre son dessein.
Duplex hist,
de France,
en Henry 4.