A. D. B. [signé] [1649], ANAGRAMMA ACROSTYCHÆVM IN IVLIVM MAZARINVM. , latinRéférence RIM : M0_79. Cote locale : A_4_41.
ANAGRAMMA ACROSTYCHÆVM IN IVLIVM MAZARINVM. A PARIS, M. DC. XLIX.
ANAGRAMMA ACROSTICHIVM IN IVLIVM MAZARINVM. JVLIVS MAZARINVS. MALVS, IVRIS RVINA.
Inclyta quid Pateris Francorum Gloria ? Nomen An turpi vitio commaculare Cupis ?
Victores animos optas deponere ? molles Induere ? & celebres pellere sæua viros ?
Lucida perpetuis immergere Regna tenebris, Speras ? & populos Luce carere tuos ?
Imperium tribuis misero, summumque Monarcham ; Infami validos subijcis ipsa Duces.
Vix tibi nunc vestant legum fragmenta : Ministro Diripitur Regnum, iuraque læsa cadunt.
Sternitur, heu misere Themis acta : Cruentas Gallorum merito defugit illa domos.
Magna Themis cælos repetit, superosque precatur, In te vt conuertat fulmina ïusta Deus.
Arma modo laniant tua viscera : Caussa malorum Ipsa es ; Vix aliud forsan origo fuit.
Zelotem exturba Regno ; Patriosque Penates Expulsum nostris tendere coge suos.
Aut tibi non aliter pacem reparare valebis, Sic motus solûm conciliare potes.
Rara Italis virtus ; ipsis rarissima pax est ; Quod grauius pejus cunctis rarior ipsa fides.
Ille tulit leges Francorum ; Detulit aurum ; Regem ni caueas aufferet ipse tuum.
Nonne palam repetunt rigidam sua crimina pœnam, Plectendi subito, quo nocumenta sinant.
Versus in occasum est Galli status ; hortitab ortu Labentem, ni sol iustitiæ hunc releuet.
Si maneat, certa est regni destructio ; cum sit & MALVS, & IVRIS clara RVINA sacri.
A. D. B.
|
Section précédent(e)
|
A. D. B. [signé] [1649], ANAGRAMMA ACROSTYCHÆVM IN IVLIVM MAZARINVM. , latinRéférence RIM : M0_79. Cote locale : A_4_41.