Mengau, Jacques [1651 [?]], SECOND ADVERTISSEMENT A MESSIEVRS LES PREVOST DES MARCHANDS ET ESCHEVINS DE PARIS. SVR LE RETOVR FVNESTE DE MAZARIN. Comme aussi de la Descente que les Anglois pretendent faire en France, du costé de la Rochelle, Bordeaux, & Blaye, Ainsi que ie vous l’ay promis. Et la Garde que les Parisiens font maintenant de la personne du Roy. Vne Lampe d’Or, de Feu Inextingnible, se découurira en la ville de Tolose, qui fut enterrée du temps de Trajan l’Empereur. La ville de Nismes, ou partie d’icelle, sera ruinée par vn deluge d’Eau, qui arriuera de leur Fontaine. Et autres choses dignes de remarque, qui doiuent arriuer en plusieurs endroits de la France, cette presente Année. Predict par MICHEL NOSTRADAMVS. , françaisRéférence RIM : M0_446. Cote locale : D_1_37.

Sub2Sect suivant(e)

SECOND ADVERTISSEMENT
A MESSIEVRS
LES PREVOST DES MARCHANDS
& ESCHEVINS de Paris.

MESSIEVRS,

Vous deuez sçauoir qu’il n’y a rien en la Nature,
composée des quatre élemens, qui ne soit conduit &
predominé par les Astres. Desirant sçauoir ce qu’il
doit arriuer la presente Année ; I’ay trouué à l’heure
que le Soleil fera son entrée au premier degré d’Aries,
le 21. de ce mois de Mars, nous aurons Mercure pour
gouuerneur de l’Année, lequel nous menasse de beaucoup
de malheurs, (que Dieu nous en vueille preseruer
par sa grace) ainsi que Michel Nostradamus a remarqué
dans ses Propheties, Centurie neufiesme,
quatrain cinquante-cinq.

-- 4 --

 


L’horible guerre qu’en l’Occident s’appreste,
L’An ensuiuant viendra la pestilence,
Si fort, horrible, que jeune, vieux, ne beste,
Sang, Feu, Mercure, Mars, Iupiter en France.

 

Par ce Quatrain, Nous voyons, MESSIEVRS,
que tout le Monde voudra Gouuerner, le Peuple d’vn
costé, les gens de Guerre de l’autre, les gens de Lettres
aussi. Les Princes ne les voudront pas souffrir ; O
Dieu, quelle pitié ! que d’effusion de sang ! C’est ce dequoy
l’Oracle nous menasse, si Dieu n’a pitié de nous ;
Qu’il faut entendre par ces paroles : Sang, Feu, Mercure,
Mars, Iupiter en France. Par ce mesme Quatrain Nostradamus
nous menasse de Peste l’Année prochaine, à
cause de la grande humidité qui arriuera cette Année,
pour raison des pluyes frequentes qui se feront pendant
le Prin-temps, & l’Esté, suiuies de gresles & tonnerres,
que le quatriesme Ciel en tremblera. La partie
Occidentale sera grandement affligée par Guerre,
& par eau, c’est à dire, la Guyenne.

I’ay promis de vous faire voir la suitte du Retour funeste
du Cardinal Mazarin, & autres choses digne de
remarque, qui doiuent arriuer la presente Année. Ie
n’estime pas vous auoir fait voir si bien la Fuitte ou esloignement
du Cardinal Mazarin (s’il le faut ainsi appeller)
comme aussi son Retour, que ie ne vous le fasse
voir encore mieux, mais bien plus clairement que
cy-deuant, ce sera par le Quatrain quatre-vingts douze
de la Centurie huictiesme, en ce que nostre Oracle
dit :

-- 5 --

 


Loing hors du Regne mis en hazard voyage,
Grand Ost duira, pour soy l’occupera,
Le Roy tiendra, les siens captif ostage,
A son retour tout pays pillera.

 

Vous voyez par ce Quatrain, Amy Lecteur, comme
Mazarin s’éloignera hors du Royaume, auec danger
de sa personne, qu’il faut entendre par ces mots :
Loing hors du Regne mis en hazard voyage. Cét éloignement
ne sera pas pour long-temps, puis que Nostradamus
dit, qu’il menera vne grande Armée pour la
conseruation de sa personne ; Il faut entendre par ce
mot, Ost, Armée, ou Ennemis, dautant que ce mot
d’Ost, deriue du mot Latin, Hostes, pour dire ennemis.
De maniere que quand Mazarin viendra auec l’Armée
qu’il aura faite hors de la France, il pillera par
tout où il passera, qu’il faut entendre par ces mots : A
son retour tout pays pillera.

Vn Homme bien consideré, ayant appris que i’auois fait imprimer
la Fuitte, & le Retour funeste du Cardinal Mazarin,
me vint voir ces iours passez, lequel aprés luy auoir fait voir
par cette Continuation, comme le Cardinal sera tousiours en
peur & en hazard de sa personne ; me monstra vne Lettre
qu’vn de ses Amis luy auoit escrite il y a peu iours, dont la
copie vous est cy-apres transcripte, par laquelle nous apprenons
la Routte que le Cardinal tient, qui est en partie conforme à ce
que nous auons dit cy-deuant par le Quatrain 92. de la huictiesme
Centurie.

-- 6 --

Sub2Sect suivant(e)

Mengau, Jacques [1651 [?]], SECOND ADVERTISSEMENT A MESSIEVRS LES PREVOST DES MARCHANDS ET ESCHEVINS DE PARIS. SVR LE RETOVR FVNESTE DE MAZARIN. Comme aussi de la Descente que les Anglois pretendent faire en France, du costé de la Rochelle, Bordeaux, & Blaye, Ainsi que ie vous l’ay promis. Et la Garde que les Parisiens font maintenant de la personne du Roy. Vne Lampe d’Or, de Feu Inextingnible, se découurira en la ville de Tolose, qui fut enterrée du temps de Trajan l’Empereur. La ville de Nismes, ou partie d’icelle, sera ruinée par vn deluge d’Eau, qui arriuera de leur Fontaine. Et autres choses dignes de remarque, qui doiuent arriuer en plusieurs endroits de la France, cette presente Année. Predict par MICHEL NOSTRADAMVS. , françaisRéférence RIM : M0_446. Cote locale : D_1_37.