RECIT VERITABLE
DE TOVT CE QVI S’EST
passé en la Place de Gréve Mecredy deuxiesme
Octobre dernier.

Et au Palais en presence de son Altesse Royale,
& du Duc de Guyse au sujet des Sedicitieux,
le Ieudy 3. du mesme Mois, dont leur Capitaine
Nommé Tambourg a esté amené prisonnier
au Palais,

Ensemble la Liste des Noms de ceux qui se trouuerent
en leur derniere Assemblée.

LE party Mazarin est tellemen
puissant dans Paris, & composé
d’vn si grand nombre de personnes
de qualité, outre plusieurs
autres du menu peuple, soustenuës
des qualifiez, qu’il est bien
difficile d’y remedier, & neantmoins toutes leurs
intention est d’exciter vne sedition parmy les

-- 4 --

Habitans, qui sera malaisée d’ẽpescher à moins
d’vn grand carnage & tuërie : dessein tres-pernicieux,
bien contraire aux termes des Responses
faictes au nom du Roy, aux Deputez des Preuosts
des Marchands & Escheuins, & à ceux des
six Corps des Marchands de Paris, veu qu’au prejudice
de tant de promesses, on ne laisse pas de
suborner gaigner & corrompre para gent & festins
aux Tauernes & Cabarets quantité de personnes,
pour l’execution de ce qu’ils veulent faire
pour ruiner Paris.

 

C’est ce qui se passa Mercredy dernier deuxiesme
d’Octobre dans la place de Greve, lieu où se
trouuent iournellement nombre de gaigne deniers,
gens d’eau, & autres, auquel iour s’estoient
rendus quelques-vns du Mareschal de
l’Hospital, cy-deuant Gouuerneur de Paris, lesquels
choisissoient & attiroient à leur party
nombre de plumets, porte sacs, porteurs de
charbon, & mariniers, lesquels ils menoient
boire aux Tauernes & Cabarets, & au sortir
donnoient à chacun d’eux vn Louys de trente-quatre
sols, & leur faisoient prendre le papier,
& pour le mot, le Roy, la Paix sans le Prince,
les asseurant qu’ils seroient puissamment assistez
en l’execution qu’on vouloit qu’ils fissent à
Paris.

-- 5 --

Il y en eut de si insolens & hardis que d’aller
au Palais d’Orleans & pres de la porte de l’Hostel
de Monsieur le Prince où ils prononçoient
le mesme mot de sedition, se fiant aux promesses
d’estre assistez en cas qu’ils fussent arrestez.

Ieudy dernier troisiesme Octobre sur les huict
heures du matin, Monsieur le Duc d’Orleans fut
au Palais accompagné du Duc de Guyse, & sur
les neuf heures pendant qu’ils estoient en la
grand’Chambre la Cour assemblée, on amena
vn plumet porte-sac nommé Tambour, qui
estoit le Capitaine de ces nouueaux leuez de la
Greve, qui s’estans rendus en nombre de trente
ou quarente au Palais prononçant le mesme
mot, qu’ils demandoient le Roy, la Paix sans les
Princes, ils furent incontinent enuironnez du
peuple. Leur Capitaine, dit Tambour, dit, qu’il
estoit bien aduoüé de parler ainsi. Cette insolente
Response le fit prendre & conduire en la
grand’Chambre, où estoit son Altesse Royale,
& ayant la Cour esté informée de l’intention de
telles gens, nomma Monsieur Musnier d’Artige
Conseiller de la grand’Chambre pour l’interroger.

Vn quart d’heure apres on en amena vn autre
auec vne camisole rouge, portant la mine d’vn
Marinier, qui fut conduit deuant Messieurs, &
enuoyé en la Conciergerie.

-- 6 --

Son Altesse Royale sortit de la Grand Chambre
comme en colere, & enuoya querir le Capitaine
du quartier, qui demeure en la ruë de
la Calandre, luy enioignant de faire leuer sa
Compagnie sous les armes, apres cela il retourna
en la Grand Chambre auec le Duc de Guyse,
insistant à faire pendre ces seditieux apres leurs
interrogation, & la question ordonnez sans attendre
plus long-temps, par la question l’on
sçaura ceux qui leur ont donné de l’argent, pour
quel dessein, & les Cabarets ou ils les auoient
menez boire, afin de descouurir les autheurs de
ce dangereux dessein.

La Liste des Noms de ceux qui se sont trouuez
en la derniere Assemblée.

Deux Officiers de la Maison du Duc d’Elbœuf.
Deux Aumosniers, vn du Mareschal de l’Hospital,
l’autre du Mareschal de la Maillerays.

Vn Chirurgien demeurant rüe Sainct Honoré
deuant les Quinze-vingts.

Vn Commis du sieur Bourdier, Secretaire en
chef du Conseil, demeurant ruë Saincte Catherine
du Val des Escoliers.

Vn Commis du sieur de Mauron, Intendant des
Finance demeurant ruë neufue S. Honoré.

Vn Abbé domestique du Cardinal Mazarin, demeurant

-- 7 --

derriere le Palais Royal.

 

Vn Commis du sieur de Bordeaux Intendant
des Finances, demeurant ruë des Francs-Bourgeois.

Vn Officier de l’Artillerie nommé de la
Croix, demeurant ruë S. Antoine.

Vn Secretaire du Roy, demeurant vieille ruë
du Temple.

Deux Capitaines des Gardes du Cardinal Mazarin,
demeurant ruë de Montmartre.

Le sieur le Maire Parfumeur, demeurant ruë
S. Antoine.

Le sieur de la Touche, demeurant en la place
Dauphine, tenant pensionnaires, qui s’est trouué
saisi de quantité de balles, de fusils & pistolets,
ayant pres de vingt pensionnaires chez luy, &
quantité d’armes.

Le sieur Thomas de Courcelles, marchand
de cheuaux, demeurant au fauxbourg saint Germain.

Vn Maistre d’Hostel du Mareschal d’Estrée,
logé ruë S. Honoré.

Vn Auditeur des Comptes de Dijon, logé
ruë S. Antoine.

Le sieur Michel Philippes Partisan.

Vn Receueur des Tailles de la Generalité de
Bourges, logé aux Marests du Temple.

FIN.

-- 8 --

-- 9 --