Anonyme [1649], RECIT EXACT ET FIDEL DE CE QVI S’EST PASSÉ A LA CONFERENCE DE RVEL, Pour la Negotiation de la Paix. , françaisRéférence RIM : M0_2996. Cote locale : E_1_19.
Sub2Sect précédent(e)

Sub2Sect suivant(e)

Obmission à la page 18. ligne penultiesme, faut adiouster apres
ces mots (le premier President) dont la teneur
ensuit.

LETTRE DES PREVOST DES MARCHANDS
& Escheuins de la ville de Paris.

MESSIEVRS,

Si nous nous voulions arrester au bruit commun, nous aurions desia enuoyé
des mandemens pour assister au Te Deum de la paix, qu’on veut que la Conference
où vous estes ayé aperé : Mais comme on ne conclud pas des contracts
de mariage, sans parler de la mort des futurs conjoints, vous trouuerez bon
que nous vous reїterions la priere que nous vous auons faite par nos lettres precedentes
touchant les passeports des bleds qui nous sont accordez pendant que
ladite Conference aura lieu, à cause que les voictures ne s’en aduancent pas selon
qu’il seroit à desirer, qui nous fait craindre que la quantité n’en soit à Paris,
lors que vous cesserez à Ruel ; & que ce qui manqueroit lors ne fust pas
de facile conuention, s’il n’y estoit pourueu par anticipation : Faites-nous donc
la grace d’en charger vos memoires, à ce qu’il soit accordé, que les grains qui ne
seront arriuez à Paris suiuant les quantitez promises, à raison de cent muids
par iour, à commencer au troisiesme Mars à la fin de ladite Conference, y seront
voicturez en bonne & seure garde, auec defenses à toutes personnes de les
empescher à peine de la vie & de violer le droict des gens.

Nous sommes icy accablez des Bourgeois & du menu peuple, qui demande
du bled afin de ne point passer par les mains des Boulangers à cause de la
chereté du pain, ce que Messieurs du Parlement n’ont pas trouué à propos
de leur accorder ; mais bien leur ont promis qu’ils auroient du pain blanc
à deux sols six deniers la liure, le bis-blanc à deux sols, & le noir à dix-huict

-- 42 --

deniers, ce qui les a en quelque façon contentez : leur apprehension est
que ce bon marché ne leur dure pas long-temps. Faites-nous la grace de nous
croire tousiours,

 

MESSIEVRS,

Vostres-humbles & affectionnez seruiteurs,
les Preuost des Marchands & Escheuins
de la ville de Paris, LE FERON.
HACHETE.

De Paris en l’Hostel de ville
ce 8. Mars 1649.

Et à costé est escrit ; Nous auons apris auant le depart de ce Courier que
le Parlement auoit donné Arrest aux fins de cette missiue, dont vous aurez sans
doute l’original par son arriuée.

Sub2Sect précédent(e)

Sub2Sect suivant(e)


Anonyme [1649], RECIT EXACT ET FIDEL DE CE QVI S’EST PASSÉ A LA CONFERENCE DE RVEL, Pour la Negotiation de la Paix. , françaisRéférence RIM : M0_2996. Cote locale : E_1_19.