MANIFESTE DE LA
Prouince de Languedoc au Parlement
de Tolouze.

MESSIEVRS,

Ainsi que ceste Prouince à tousiours témoigné
auoir en horreur la domination Estrangere,
aussi dans l’occasion presente, persistant en ceste

-- 9 --

loüable resolution, elle persiste ne iamais se desvnir
d’auec vous, mais de demeurer inuiolablement attachée
à vos Arrests, qu’elle maintiendra & fera executer
ponctuellement, & sur tout contre ceux qui
fauoriseront le Cardinal Mazarin, ses adherans partisans,
qui voudroient establir des factieux parmy
nous, pour y mettre le trouble & authoriser sa tyrannie :
Le sujet que nous auons de ce faire, est qu’il
semble que cét homme l’à ait pris plaisir à dépeupler
le Languedoc & l’appauurir, en la faisant contribuer
hommes & argent pour la guerre de Catalogne :
Sujet plausible à luy, pour entretenir ses
voleries ; car au lieu de faire payer les gens de guerre
qu’il y enuoyoit & de donner moyen aux Princes
& Generaux d’y faire des progres qu’on s’en promettoit,
pour le bien & seruice du Roy, leur seul
courage les y a fait subsister tant qu’il leur a esté
possible, & iusques au debandement des trouppes
faute de payes & de viures : ces raisons qui accompagnent
nos plaintes, augmentent en nous la volonté
en execution de vostre Arrest, d’employer
tout ce qui nous reste de forces & de moyens
pour donner la chasse aux Mazarins iusques hors
le Royaume.

 

-- 10 --