Anonyme [1652], LE POIGNARD DV COADIVTEVR. , françaisRéférence RIM : M0_2806. Cote locale : B_10_22.
page précédent(e)

page suivant(e)

-- 5 --

que vous preferez vostre Coadjuteur à la
protection dont il vous a honnorés, &
que vous aymez mieux vn Cardinal traistre
qu’vn Prince Genereux.

 

Est-il possible que les Parisiens soient si
lasches & si ingrats ! non, ie ne le croy pas,
ils sont trop affectionnez à conseruer les
Successeurs de la Couronne, ils en vseront
plus genereusement. Allez plustost par
Deputez au Palais d’Orleans, & suppliez
son Altesse Royale d’esloigner pour iamais
le Coadjuteur de ses conseils & de sa presence ;
vous ne luy demanderez que ce qu’il
demande au Roy pour le Mazarin, & auec
autant de justice que de raison. Celuy-là
diuise les Princes dans Paris, & celuy-cy les
diuise hors de Paris. L’vn veut oster la vie à
Monsieur le Prince par a dresse, & l’autre lui
veut oster par les armes. Le premier est ennemy
des peuples, & le second Tyran des
peuples. Enfin tous deux ont les mesmes
desseins, ils veulent regner, ils veulent estre
Ministres, ils veulent estre puissans, ils veulent
deuenir riches, & ne craignent point



page précédent(e)

page suivant(e)