est retourné au Palais d’Orleans pour diuiser
son Altesse Royalle & Monsieur le
Prince ? Vous a-t’on dit les intrigues dont
il s’est seruy pour voir Madame apres la
mort du Duc de Valois ; il a fait parler ses
Creatures, il a caballé auec les ennemis de
Monsieur le prince, & a trompé par ses artifices
ordinaires la bonté de son Altesse
Royalle, qui croit tout ce que ce fourbe
de Cardinal luy fait dire.

Enfin, Messieurs, il ne faut point tant
de discours pour vous dire que le Coadjuteur
plutost son ame, que de ne
se point venger de Monsieur le prince. Si
vous voulés laisser perir dans vostre Ville
vn premier Prince du Sang, le plus grand
Capitaine de la terre, & le plus irreconciliable
ennemy du Mazarin ; ne permetez
pas que ce soit par les mains & par les intrigues
d’vn Gondy, dont les ayeulx estoient
Italiens & Ennemis de la France. Si
vous voulez trahir le Sang Royale, ne prenez
point auãtage de vos forces : faites luy
dire plutost qu’il se retire de vostre Ville,