Anonyme [1649 [?]], LE PATER NOSTER DE MAZARIN , français, latinRéférence RIM : M0_2737. Cote locale : A_6_67.
Enfin puis que je voy contre mon esperance, Et malgré les efforts de mes inuentions Que ce funeste iour, où librement en France Chacun fait contre moy mille imprecations.
Sanctificatur
Prince des sombres lieux, demon de l’auarice, En qui j’eus ci-deuant mon vnique recours, Voulant faire éclater ma plus noire malice, Pardon, si je t’oublie, & n’appelle à secours.
Nomen tuum,
C’est de toy Nemesis, ma Deesse cruelle, Dont j’inuoque aujourd’huy la rage & la fureur, Disant, afin de voir defendre ma querelle, Et remplir cét Estat de carnage & d’horreur,
Adueniat Regnum tuum.
Mon ame sera lors pleinement satisfaite ; Car quand je te veray ces peuples tourmenter, Deusse-je mettre en but & mes biens & ma teste Sans cesse à haute voix on me verra chanter
Fiat voluntas tua,
En vn vaste desert, vien changer cét Empire, Puny ses habitans par la flamme & le fer : Et s’il me faut perir pour croistre leur martyre Lors je m’estimeray dans le fond de l’Enfer
sicut in Cœlo
Chacum m’imposera ces souhaits à grand crime, C’en est vn : mais quel bien pourroit faire vn damné ? Ie le suis, puis qu’helas ! d’vn Arrest legitime Déja dedans le Ciel je me voy condamné
& in terra,
| |||||