des amis sur la terre, ou dans le Ciel de la Mamone d’iniquité,
si faut-il pourtant rendre gorge ou mourir. Quand
vous auriez foüy toute la terre pour cacher vos thresors dans
l’Enfer, neantmoins il faut qu’ils se trouuent. On sçait bien
qu’il est malaisé de rendre : & que comme disoit vn de nos
Roys, le mot est tres-difficile à prononcer, & la chose beaucoup
plus à faire. Mais aussi pour se garentir de la mort, que
ne fait-on point, omnia dabit homo, disoit Iob, pro anima sua.
L’homme donnera librement tout, pourueu qu’on luy sauue
la vie. Donnez, ou plustost rendez tout. Si vous ne le faites
de bon gré, on vous le fera faire par force. Vous auez la
bouche close, il faut vous deserrer les dents, & vous mettre
le doigt dans la bouche pour vous prouoquer à vomir. Si
l’eau tiede, ou l’infusion de l’Ellebore n’y font rien, vous
nous contraindrez de nous seruir des remedes chymiques,
le Crocus metallorum, le vitriol blanc, le vin hemetique vous
feront vomir iusques au sang, & vous feront rendre tripes
& boy aux. N’attendez point que l’on aille à vos maisons
pour y prendre les despoüilles de la France, le Parlement a
à faire d’argent pour faire la guerre aux ennemis de l’Estat.
Vous auez espuisé les Finances du Roy, vuidez vos coffres
pour remplir les siens : Rendez à Cesar ce qui est à Cesar,
sinon vostre condamnation est toute preste, l’Arrest va estre
prononce, Que tous les Monopoleurs soient pendus &
estranglez, leurs biens confisquez au Roy, & employez aux
fraiz de la guerre : ou sans attendre plus long-temps, pendez-vous
vous mesmes comme Iudas, & creuez par le milieu
comme luy : mais rapportez auparauant l’argent que
vous auez gaigné par vos trahisons, par vos aduis, & par vos
monopoles.