& contraires à leur inclination, dont ils se
deffendirent autant qu’il leur fut possible : mais il en cousta
la vie au Philosophe Calisthene, sous vn autre pretexte.

Il est sans doute qu’en toutes ces entrefaites Hephestion
& Craterus se trouuerent bien empeschez, & fallut qu’ils
s’accommodassent aucunement, & sans volonté, à ce qu’il
vouloit : car s’ils en eussent autrement vsé ils se fussent perdus,
puis que ceste maladie estoit sans remede, toutefois
il ne se lit point qu’ils eussent esté autheurs au Conseil de
ces fiatteries, ny qu’ils s’y fussent engagez plus auãt, ce qui
n’auroit esté oublié par ceux qui en ont escrit : au contraire
l’Histoire descharge tous les Macedoniens, & blasme
certains Grecs qui eleuoient ce Prince au delà des Cieux.
Mais pour Hephestion la mesme Histoire remarque expressement,
que nul autre que luy ne se donnoit la liberté
d’admonester ce Prince aux occasiõs : En quoy sa cõduicte
estoit telle, qu’il sembloit bien que tout ce qu’il en faisoit
estoit plustost par la permission de son Prince que par entreprise
& par authorité : aussi Alexandre auoit tant d’amour
pour luy, que s’il eust esté dix ans absent, il n’eust durant
ce temps traicté d’aucune affaire auec qui que ce fust,
tant il faisoit estime de sa fidelité, aussi vouloit-il qu’il fust
tousiours gardien de son cachet plus secret ; Il estoit comme
le sacré depositaire de sa pensée, qu’il confioit toute
en la prudence de ce sien Ministre & Conseiller. Il n’eut
pas escrit vne lettre de telle consequence fust-elle, qu’il ne
luy en eust declaré le secret : aussi le voyant mort, il en eut
vn tel ressentiment de douleur, qu’il fit tondre tous ses
cheuaux & mulets, fit ruiner & abbatre tous les plus hauts
edifices des villes, commanda que son Medecin pour ne
luy auoir sauué la vie fust crucifier ; deffendit que par vn lõg
temps il ne fust oüy dans ses armées aucun son de trompette
ny de tambours, comme aussi tant de concerts de
voix & d’instrumens de musique en ses Palais, & employa
dix mille talents en ses obseques.

Pour ce qui est d’Agrippa & de Mecenas, ils ont vescu auec
Auguste en fort grande amitié, & encore que ce Prince
fust vn des plus accomplis & des mieux sensez qui ayent