Et Pere d’vne Damoiselle
Qui nous garde auec tant de zele ;
Que nous deuons bien tous aymer,
Que nous deuons bien estimer
Cette Princesse incomparable,
Mais cette Amazone adorable,
Ce genereux sang de Bourbon
Donc le franc cœur nous est si bon.
O dieux ! qu’elle fit de merueilles,
Par son adresse & par ses veilles,
Ce iour qu’vn coup de sa faueur
Sauua Paris, & son Sauueur.
C’est là cette illustre Pucelle,
Plus grande, plus braue, & plus belle
Que la Pucelle d’Orleans,
Qui doit chasler hors de ceans,
I’entens de Paris & de France
Celuy qui cause leur souffrance,
Cet Italien si matois,
Comme l’autre en chassa l’Anglois :
Mais ne deuons nous pas tous suiure,
Tout le tẽps que nous pourrons viure,
Cet incomparable Condé
Si digne d’estre secondé ?
Quel est ce cœur si plein d’enuie,
Qui n’exposera point sa vie,
Pour vn Heros qui tant de fois
S’est exposé pour les François,

page précédent(e)

page suivant(e)