puisse refugier, & qu’en fin ie suis forcé de ceder
à la vigueur de la Fronde, parce qu’estant secondee
de la faueur du Duc d’Orleans, ie ne suis
point en estat de luy resister.

I’en ay bien veu d’autres ; quelque estonné
que ie sois ie ne suis point terrassé : & ie feray
voir à la France par la vigueur que ie tesmoigne
ray dans cette coniecture, que la fortune ne lui
procura pas vn lâche Ministre, lors qu’elle me
mit aupres du timon de son Estat. Cependant
parmi les resources qui me restent pour r’asseurer
ma fortune ébranlée, ie croy que la sortie
du Roy ne sera pas vne des moindres, si toutefois
ie puis la faire bien reüssir, non moins par la
faueur des troupes que ie tiens sous les armes
pour la fauoriser, que par l’entremise de mes
partisans qui sont restez à la Cour, pour espier
l’occasion de surprendre l’imprudẽce des Bourgeois
affin d’en venir plus paisiblement à bout.

En cela mesme ie me suis seruy de precaution
par le moien d’vne lettre de cachet, que i’ay fait
escrireau Mareschal de l’Hospital auant ma sortie
de Paris, luy commãdant qu’il eût à disposer
les villes de son Gouuernement de Chãpagne,
pour le Sacre du Roy, resolu pour le deuxiéme
de Mars : & affin de donner plus de creance à
cette resolution, i’en ay fait retentir la nouuelle
auant mas ortie, de peur que si i’attendois plus