fait passer pour son perturbateur. Il est question de
seconder en cela la generosité d’vn premier Prince
du Sang, lequel espurant ses intensions des attachemens
honteux de toute sorte d’interest particulier,
se iette hardiment au trauers de l’orage pour le destourner
de la teste des peuples, & pour en faire creuer
la tempeste sur celle de leurs ennemys. N’est il
pas vray que le sang heroique des anciens Guises
n’auroit point coulé dans mes veines, si ie m’oubliois
dans cette occasion, & que ces beaux mouuemens
qui faisoient entrer mes ancestres dans les querelles
des peuples oppressez, n’auroient point esté
transmis iusqu’à moy, si maintenant que la tyrannie
des fauoris est en estat de se voir plus fortement establie
que iamais, on me voyoit seulement fauoriser
ses iniustes progrez par vne indifference criminelle,
& si ie ne me portois pas à la contrequarrer auec autant
de passion que ceux qui sont instruits dans les
Annales de ma maison, peuuent en exiger de ma personne :

Encor est-ce vne raison qui me semble trop particuliere
pour iustifier à l’espreuue de toute response
vn armement d’Estat. Lors que ie diray que la
passion de vanger les interests communs de toute
l’Europe, me ietteroit toute seule dans le glorieux armement
de Monsieur le Prince, qui n’a pour tout dessein
dans la ruine de Mazarin, que celuy de disposer
les affaires à vne paix generalle ; le motif ne seroit
il pas dautant plus glorieux, que plus il s’estendroit
pour embrasser generallement le repos de
tous les Estats de la Chrestienté. Or ie proteste que