LE MANIFESTE DE LA VILLE
d’Orleans presenté à son Altesse Royalle,
où il est monstré que pour auoir bien tost
la paix, il est necessaire de se declarer contre
le Mazarin, à l’imitation des habitans
de ladite ville d’Orleans.

CE n’est plus la saison de dissimuler le mal qui
nous accable, ce seroit estre moins sensibles
que les brutes pour en deguiser dauantage, le iuste
ressentiment, nous porterions en vain le nom de
François si par nostre lascheté nous succombions
malheureusement sous le pouuoir de la plus haute
tyrannie qui ayt iamais esté exercée ; nous ne serions
pas seulement indignes du nom François,
mais encores de celuy de Citoyens d’Orleans, qui
ont de tout temps eu en abomination les Tyrans,
& tellement chery vne honneste liberté qu’ils
n’ont jamais peu souffrir aucune domination
estrangere, l’exemple de cet amour de la partie
que les habitans de la ville d’Orleans ont tousjours
conserué auec tãt de passion & que l’on peut
dire estre le gage plus precieux qui leur ait esté
laissé par leurs peres pour marque à la posterité,

page précédent(e)

page suivant(e)