deuant ou apres l’establissement de la Monarchie,
ont pris fin par la hardie resolution des Habitans
d’Orleans, comme la domination des Romains
dont le joug fut secoüé par toutes les Gaules à l’exemple
de ceux d’Orleans, & l’orgueil de Langlois
surmonté deuant la mesme ville par la vertu
heroïque desdits Habitans, de mesme il semble
que la tyrannie du Mazarin doiue estre aneantie,
& si ces peuples liberez de l’oppression d’vn si fascheux
ennemy, par le refus que ces Habitans ont
fait de receuoir chez eux, & d’adorer cette idole,
en quoy ils ont esté secourus des genereux sentimens
de Madamoiselle de Bourbon, de la mesme
façon qu’ils furent autresfois secondez de la valleur
de la Pucelle Ieanne dans la chasse qu’ils donnerent
aux Anglois.

Car si par l’exemple des Habitans d’Orleans toutes
les Gaules secoüerent le joug des Romains, &
que tout fraischement ils se sont declarez contre
le Mazarin, y aura-il aucune ville en France qui
ne soit meuë à l’imitation de celle d’Orleans, d’vn
pareil desir de secoüer le joug de Mazarin, & de
refuser hardiment les portes à vn tel ennemy qui
est en execration à toute la nature, il y a lieu non
seulement desperer que toutes les villes luy feront
visage de bois, mais qu’elles s’vniront ensemble,
& feront vn corps d’armée considerable pour extirper