LE MANIFESTE DE LA
Reyne, sur le retour du Cardinal
Mazarin & les affaires du temps.
CE seroit paroistre extremément insensible
si dans la conioncture presente des
affaires nous ne faisions part au public
des raisons qui nous ont obligées de faire passer
dans l’esprit du Roy le retour du Cardinal Mazarin,
absolument necessaire pour le restablissement
de son authorité Royale : Et certes, nostre
procedé sembleroit apparemment iniuste,
si nous en taisions dauantage les motifs, en ce
que par la continuation du silence ou nous
auons tousiours esté, plusieurs subiects de sa
Majesté pourroient s’engager à soustenir vn
party que l’on leur a fait iuger innocent, par
tant de pieces qui ont esté publiées, au lieu
qu’il y a apparence desperer apres que les peuples
seront des-abusez par la parfaite connoissance
de nos desseins, que non seulement ils
abandonneront le party contraire, mais qu’ils
contribuëront de tout leur pouuoir, comme fideles
subiects doiuent faire à l’endroit de leur
Souuerain, pour l’entier accomplissement des