(en vn temps ou il conuient monstrer des
forces) & de plus ceder à la passion & à la
violence de ceux qui pour leur interest particulier,
plustost que celuy du public, ont fomenté
& poursuiuy l’esloignement de ce
Ministre.

Secondement que le Roy n’a point vn
plus beau sujet de faire paroistre son pouuoir
& de releuer son authorité abbatuë durant
nostre Regence, qu’en rappellant ce Ministre,
& le faisant subsister dans l’Estat tant
que sa Majesté l’aura pour agreable, nonostant
l’opposition de tous ceux du party
contraire, qui ne sçauroient y contrarier sans
se rendre criminels de leze Majesté, puisque
les volontez du Roy doiuent estre receuës
aueuglement de tous ses sujets, sans exception
de qui que ce soit.

En troisiesme lieu, ne sert d’alleguer que
le retour de ce Ministre est contreuenir aux
Declarations données sur la seureté de son
esloignement, puis qu’elles sont du temps de
la Minorité, & qu’aujourd’huy le Roy estant
Majeur, iugeant comme il fait le retour dudit