les interests fussent attachez à ce restablissement,
l’experience a fait voir que le tout a reüssi
au gré de nos intentions.

En effect cét heureux commencement estoit
vn chemin asseuré pour le retour de ce Cardinal,
si les mescontentemens du Prince de Condé
n’en eussent retardé le cours, & la satisfaction
qui luy fut donnee par l’esloignement de seruices :
Le Tellier & Lionne creature dudit Cardinal
fut plustost à dessein de l’appaiser pour quelque
temps dans l’interuale duquel nous esperions
mesnager son esprit pour l’accommodement
de leur maistre, qu’aucune passion que
nous eussions d’y penser, mais toutes les voyes
que l’on a tentees pour cet effect, au lieu de l’adoucir,
n’ayans seruy que pour l’aigrir dauantage,
il a fallu absolument faire esclater l’affaire,
& pour la pousser heureusement about, le depart
du Roy de la ville de Paris fut trouué necessaire
auec la marche des troupes, pour suiure ledit
Prince de Condé dans sa retraite.

Les heureux succez du voyage du Roy dans
le Berry, où la seule presence de sa majesté a
calmé cette Prouince qui auoit esté esbranlee
par ledit Prince de Condé, nous ayant fait preuoir
vn bon euenement de nostre entreprise,
serions passee plus auant, ou voyant que les armes
du Roy ont tousiours esté accompagnees