a fait, pour esuiter l’orage qui le menaçoit, duquel
nous estions d’autant moins en pouuoir
de le garantir, que par le peu d’authorité
qui nous restoit, nous estions assez empeschée
de nous maintenir pour paracheuer le
cours de nostre Regence.

Mais comme cét esloignement du Cardinal
Mazarin estoit forcé, & que cessant les cabales
qui s’estoient faites à son subiect, nous n’eussions
iamais pensé à sa retraite ; Aussi auons-nous
tousiours conserué pour luy vne forte resolution
de le restablir (sinon en effect, du moins en
apparence) si-tost qu’il y auroit le moindre iour
d’y pouuoir paruenir : Ce qui ne se pouuoit pas
esperer que dans le changement qui se deuoit
faire au iour de la Maiorité du Roy, & pour rendre
nos pensées moins suspectes, nous fismes
le iour auparauant donner au Roy sa declaration,
pour exclure le Cardinal Mazarin à iamais, non
seulement des conseils de sa Majesté, mais encores
de l’entree du Royaume, & de toutes les
places qui sont soubs l’obeïssance & protection
du Roy, confirmatiue de nostre parole, que l’exil
dudit Cardinal estoit sans espoir de retour,
lors que nous auions le plus d’enuie de le restablir,
& le tout par vne maxime politique, à
dessein de composer sans contradiction vn conseil
de personnes de nostre sentiment, & dont