Brennus, tres-valeureux Capitaine des Anciens
Gaulois, pour auoir rauagé & pillé le
Temple de Delphes fut foudroyé du Ciel &
accablé de la gresle auec toute son armée,
comme le recitent Tite Liue liure 5. Iustiniam
liure 22. Aule Gelle liure 3. chap. 9. & Strabon
liure 4. & vous ayans volé le Roy, succé les
biens de la France par meschantes & frauduleuses
practiques, & fait mille enormes actes
pour vous hauser, ne pensez vous d’en receuoir
le salaire à vos peines ? Les vrays François
Zelateurs au seruice de leur Roy, cependant
que Minos, Æacus & Rhadamante,
Iuges infernaux font vostre procez, prient
Tantale, qu’estans arriuez en ces basses fosses
plutoniques qu’ils vous refuse de son onde à
boire : que Pluton relasche Yzion de sa rouë &
qu’il vous y attache : que Mercure deslie Promethée
& qu’il vous mette en sa place les plus
haut du Cancase en peine tousiours renaissante
& nouuelle, & que rouliez à iamais le rocher
de Sisyphe puis que voulez ruiner nostre France,
& que le Cynique ne cesse d’abbayer apres
vous, estans victiennes execrables arriuez en
nostre terroir pour abuser le Roy, vous mocquer
des Princes & des grands, & mettre à sac
la France : allez allez, Estrangers ennemis, aux