masquée de zele pour le seruice de leur Prince, &
ce n’est que pour couurir leur ambition, leur
auarice, & leurs interests : les autres ont des paroles
& des entretiens masqués de douceur, de ciuilité,
de complimens, & ce n’est que pour surprendre
les simples, afin de les jetter dans la médisance,
de connoistre leurs pensées, leurs sentimens,
leurs affections, & par ainsi iuger quel
party ils tiennent, & de quel costé ils panchent.
Les autres se couurent & se masquent de la peau
de Lyon, afin d’auoir de l’employ, & faire croire
à ceux qui les voyent, ou qui les entendent parler,
que l’on doit attendre de leur merite & de
leur courage toutes les satisfactions imaginables,
& qu’ils ne se destinent à la mort que pour
le seruice du public. Enfin on ne voit iamais
plus de Comedies que l’on en voit à present, puis
que les esprits les mieux sensez protestent hautement,
que tous nos desseins, nos entreprises, nos
assemblées, ne sont qu’vne veritable Comedie, où
les vns joüent le personnage de Roy, les autres
de Prince, les autres de valets, & les autres de
fols. Mais certes bien que cette Comedie soit
agreable aux vns, elle est pourtant ennuyeuse
aux autres, parce qu’elle dure trop long-temps,
& que l’on y laisse brusler la chandelle par les
deux bouts, & que l’on fait payer double, bien

page précédent(e)

page suivant(e)