que luy seul estoit capable d’exécuter glorieusement
à la ueuë de tout l’univers, qui
admiroit sa grande conduitte iusques dans
la plus forte chaleur de sa juste colere.

Lors qu’il est pres d’exercer sa plus rude
uangeance & qu’il ne reconnoist que trop
l’auantage qu’il en peut tirer, il considere
celuy de l’Estat qui le fait agir toûjours beaucoup
plus noblement que pour soy-mesme,
il escoute la uolonté de sa Maiesté Regente
& le desir de Monsieur le Duc d’Orleans,
qui ueulent accorder une Conférence à ses
ennemis, & terminer par la une difficile
Guerre pour donner le repos à des sujets,
il admire la bonté genereuse de la Reyne
& le soin merveilleux de son A. R. & faisant
uoir que les grandes Ames ont tousjours
de la douceur dans leurs actions les
plus sévéres, il ne ueut plus faire d’efforts
qui ne soient doux, & ce sont les seules Armes
qu’il ueut employer pour les uaincre encor
plus glorieusement. Luy-mesme demande
cette Conférence pour eux, & ne
se montre pas moins genereux à leur faire
grace qu’à les combattre ; apres tant d’illustres
efforts de son courage, sa prudence