heures d’vne autre plus belle façon, lesquelles il
accommode aux heures de la iournée.

A MATINES.

Svr les huict heures du grand matin il commence
à dire ses Matines en cette sorte. Lors
qu’il veut se leuer du lict il appelle vn de ses hommes
de Chambre, qui s’aduance doucement auec
vne humilité sans pareille, & incontinent les
Pages & les Lacquets qui sont aupres du feu comme
des Statuës muettes, s’empressent à qui mieux
mieux faire son deuoir, & a mesure que nostre
Ministre void son vallet il luy tend la main, en
apres il leue vne cuisse du lict & apres l’autre, si
grauement, que vous diriez qu’il veut faire l’entrée
d’vn ballet à l’Italienne, où qu’il a dessein de
representer le personnage de Momus, comme
il a fait autrefois par necessité, les Lacquets luy
donnent ses pantoufles, les Pages sa robbe fourrée,
chamarrée auec presque autant d’aulnes de passement
d’or, qu’il a fait en sa ieunesse des macquerellages
à Rome, auec ce bel appareil il s’en va droit
à la cheminée de sa chambre aussi bellement
que s’il auoit peur de casser des œufs dessous ses
talons, son Chirurgien est la tout prest, qui prend
tant de peine pour luy accommoder la teste &
peindre le visage, que vous le prendriez pour vn