LE FOVDROYEMENT DES
Geans Mazarinistes, abysmez sous les
ruines du fameux, & desolé Bourg
de Charenton.
L’experience nous a tousiours appris que iamais
le Ciel ne manque de vengeance pour
punir tost ou tard les temeraires, & les presomptueux ;
car plus la fureur de ces audacieux
les excite à faire la guerre à ceux qu il
protege d’autant plus aussi sa colere l’anime à trauailler pour
les destruire. Quelque tout bon & milericordieux que soit
Dieu si ne voulut-il iamais pardonner, ny faire grace, aux
plus beaux de tous les Anges, qui pour s’estre voulus égaler
à luy, les a rendus par leurs cheutes les plus horribles & affreux
de tous les Demons. Les Geans qui euren la presomption
de vouloir esche[1 lettre ill.] le Ciel, ne surent-ils pas a l’instant
renuerser d’vn coup de foudre sur la terre De tous les crimes
dont les mortels le puissent iamais soüiller il n’y en a
point de plus enormes, ny que la Iustice diuine chastie si seuerement
que l’orgueil & le desespoir. Ne peut on pas à
bon droict conuaincre de ces crimes, ces creatures, ces seconds
de Mazarin, ces boutefeux, ceste demons, & ces arrogans,
qui pipez de l’esperance de participer aux quatre
millions d’or qu’a promis cet infame Estranger au Chef de
sa ligue, se sont si souuent vantez en faueur de ce Monstre
abominable de la nature, de consommer & reduire Paris en
feu & en flan mes, de violer les filles en la presence de leurs
meres, de tuer les en fans à la veue de leurs peres, & en suite
acheuer de ruiner la France, pour assouuir leur rage, & leur
tyrannie ? N’est-ce pas estre bien presomptueux, que de se