Anonyme [[s. d.]], LE FLEAV DE L’ESPRIT DE DIEV, SVR LES MINISTRES à deux Cœurs, à deux Maistres, & à deux Visages. "Le Seigneur veut que l’hypocrisie de ceux qui se glorifient en luy, pendant qu’ils le nient par des actions publiques, soit franchement reprise & hautement condamnées par les veritables Euangelistes de sa parole eternelle." Esaye 48. 58. & 66. , français, latinRéférence RIM : M0_1399. Cote locale : B_10_29.
page précédent(e)

page suivant(e)

-- 15 --

Euesque de Perigueux, pour auoir escrit
contre ce Prince.

 

Clotaire II. fit proceder criminellement contre
Lendemon Euesque de Sion, pour auoir conspiré
contre sa personne.

Louys le Debonnaire fit mettre Theodulphe
Euesque d’Orleans en prison pour auoir conspiré
contre sa Maiesté en faueur de Bernard Roy
d’Italie.

Hincmar Euesque de Laon fut declaré criminel
de leze Maiesté, pour auoir conspiré contre
Charles le Chauue.

Estienne Euesque de Paris, fut accusé d’estre
infidelle à Louys le Gros, & pour cela il fut chastié
de sa temerité & de son impudence.

Philippe Auguste surnommé Dieu donné, fit
bien donner vn Arrest contre Manasses Euesque
d’Orleans.

Pierre de la Breche Euesque de Bayeux, fut
bien condamné par Arrest du Parlement a estre
pendu & estranglé, pour auoir communiqué
les secrets de l’Estat au Roy d’Espagne, & pour
auoir tenu la main à la mort du Prince Louys,
fils aisné de Philippe III.

En l’an 1486. l’Euesque de Perigueux & l’Euesque
de Montauban furent accusez, conuaincus,
& condamnez pour crime de leze Maiesté,
par des Commissaires à ce deputez de la part du
Roy Charles VIII.



page précédent(e)

page suivant(e)