Constantin le Grand iugea bien, & punit
encore de plus le Pape Liberius, pour n’auoir pas
voulu condamner Athanase Euesque d’Alexandrie :
L’Empereur Iustinien fit bien faire le procez
au Pape Siluerius, pour auoir fauorisé les
Goths contre sa Maiesté Imperial.

Mais laissons-là les Papes quoy qu’il y en ait
beaucoup qui ont esté iugez par les Iuges seculiers
des Roys & des Princes ; reuenons aux Euesques
& aux Cardinaux, qui se meslent des affaires
des Souuerains de la terre.

Le Cardinal du Prat fut fait prisonnier par François
I. pour auoir eu quelques intelligences auec
les ennemis de cette Couronne.

Henry III. fit bien tuer le Cardinal de Guise,
& arrester prisonniers le Cardinal de Bourbon
& l’Archeuesque de Lyon, pource qu’ils troubloient
tous ses Estats, & parce qu’ils portoient
ses subjets à se rebeller contre luy, & à se tirer de
l’obeïssance qui luy estoit deuë.

Gilles Archeuesque de Rheims, ne conspira-t’il
pas contre la vie de Childebert Roy de Mets
son Souuerain Seigneur, ne procura-t’il pas la
perte du Roy & du Royaume de Bourgogne en
faueur de Chilperic & de Clotaire ?

Ebbon Archeuesque de cette mesme ville,
quells attentats ne commit-il pas contre Louys le
Debonnaire, tellement saint qu’il fut quelque
quarante iours Durant, sans viure de quoy que