seruir d’exemple : qu’ils n’ont esté commis
de Dieu que pour garder les Eglises : que
pour luy offrir des dons & des sacrifices : que
pour luy presenter des Prieres & des Oraisons,
pour la purgation des pechez : que leur office
c’est de sçauoir la loy : qu’ils ne doiuent point
chercher leur profit, mais ce qui est de l’honneur
du Seigneur : que Dieu est le seul heritage
dont ils se doiuent contenter : qu’ils doiuent
viure seulement des sacrifices qui leur sont offerts :
que leur impieté fait mourir tous les iours
Iesus-Christ, comme elle le fit mourir entre les
mains de ceux qui le mirent en Croix : & qu’ils
receuront vn salaire digne de leurs merites.

Mais ie ne sçay si ce n’est pas enfraindre les
priuileges des Ecclesiastiques, que de les vouloir
assujettir au iugement des hommes : Non,
puis que leur authorité ne consiste que dans le
bon exemple, & que la Iustice n’a pas moins de
droict de les punir quand ils l’ont merite, que
les autres personnes. Venons maintenant à
l’examen de leurs abominables actions, & faisons
voir comme ils abandonnent facilement
le seruice de Dieu, pour esleuer le throsne de
leur ambition sur le debris des Princes & des
peuples.

Le Cardinal de sainte Suzanne, premier
Ministre de Louys XI. & Guillaume de Harancourt
Euesque de Verdun, apres auoir gouuerné