souffrent eternelle ment d’estre pillez, bruslez,
massacrez : ils faut qu’ils souffrent eternellement
voir leurs temples demolis & leurs femmes violées
puis qu’il n’y a point d’autre puissance que
la leur en tout l’vniuers qui leur puisse faire iustice.
Si les Roys se font iustice par la violence des
armes, à plus forte raison que ne doiuent donc
pas faire vn nombre infiny de personnes tyranisées,
pour se deliurer de la prodigieuse tyrannie
d’vn Ministre.

Ie passe bien plus outre & ie dis que s’ils
ne le font pas, qu’ils sont responsables deuant
Dieu de tous les malheurs qui peuuent arriuer
à l’Estat, & de toutes les pertes qu’ils feront au
preiudice de ceux qui ont quelque droit au biẽ
qu’ils leur deuroient laisser en partant de ce
monde. Considerez donc de grace en quoy
consistent tous les malheurs de l’Estat, puis
qu’ils consistent la mort de tant de millions de
personnes. En la perte de tant d’ames qui meurent
dans les occasions ou dans les mauuaises
rẽcontres en tres mauuais estat. En tant de villes
& de villages bruslez, en tant de femmes & de
filles violées, en tant des peuples ruinez, en
tant de sacrileges commis & en tant d’Eglises
demolies, sans conter la perte que nous faisons
de tant de places & de tant de Prouinces que
les ennemis reprennent sur nous, pour ne nous