Les femmes qui veulent prescher,
Ladre qui craint l’autre toucher,
Cordonniers portans les pantoufles,
Les chats qui veulent porter moufles,
Sur tout gardons nous aujourd’huy
De l’enuieux qui louë autruy,
Du pourceau qui dort sous la table,
Du Loup qui fait du charitable ;
Du Singe qui berse l’enfant,
De la Mousche sur l’Elefant,
De l’Ours qui nous monstre sa patte,
Du Renard qui les poulles flatte,
Du Lyon qui a beu du vin,
Des Syrennes de Farmessin,
Du Cancre qui hume les huistres,
Et des Asnes de Franc-arbitres :
Il se faut conseruer aussi
Du ris du Tyran endurcy,
Des larmes d’vne Courtisane
Des finesses de la chicane,
De la baguette d’vn Huissier,
De la nauette d’vn Tyssier,
D’vn qui pro quo d’Apoticaire,
D’vn & cetera de Notaire,
Des blandices d’vn macquereau,
Des accolades d’vn Bourreau,
De l’Inquisition d’Espagne.

page précédent(e)

page suivant(e)