On voit bien peu de Stations
Paules, Marcelles, Fabioles
Et de semblable Christicoles
De Saincts Hierosme encor moins :
Chassons encor tous faux tesmoins
Tous examents signez sans lire
Le Pescheur qui à toute main
Prend tout poisson auec son ain,
Les Medecins qui sont trop riches
Les Pharmacopoles trop chiches
Les Chirurgiens trop piteux
Les Pages qui sont trop honteux
Vne Nourrice trop songearde
Vne Nonain trop fretillarde
Vn Confesseur trop indulgent
Vn Connestable negligent
Vn Secretaire trop polixe,
Vne trop jeunette obstetrice,
Vn Brasseur prés de mauuaise eau
Vn Patissier prés d’vn bordeau
Vn Boucher de puante haleine
Vne seruante trop mondaine
Vn Escolier prés d’vn tripot
Vn Tauernier aupres du pot
Vn Meusnier prés de sa tremie
Vn Ialoux prés d’vne Abbaye
Nous chassons aussi les Sorciers

page précédent(e)

page suivant(e)