Roy : à cause des excés que telles personnes ont
accoustumé d’exercer sur les peuples : desquels
pour l’affection qu’il leur portoit, il les desiroit
exempter : & dont il n’eurent subiet de se plaindre,
pendant le regne dudit Saül ; ne leur ayant
fait aucun tort ; ains au seul Dauid.

Et pour ce qui est desdits passages que confessez
n’entendre, & ne connoistre ; les vous
ayant couchés & cottés, deuriés mourir de honte,
& vous taire le reste de vos iours. I’en fais Iuges
messieurs les Caualliers de Neptune, & le
grand Conseil d’Attlas vos voisins, sans en recuser
aucun.

Quant à l’Enigme, Monsieur le Grammairien,
ie le vous pardonne : car il n’est que pour ceux
qui entendent la chasse du Lyon & du Renard ;
& non du Louys comme vous.

Mais ie ne sçaurois souffrir qu’arguiés ceux
qui priuent leurs escrits de leurs noms ; estant de
leur compagnie, ne faisant paroistre le vostre :
n’y supporter les eloges des ministres & gens du
temps : confessant vous mesmes leur malice &
tyrannie.

Et n’approuueray du tout M. le Politique, que
les hõmes puissent iamais remettre les impietés,
irreligions, sacrileges, iniustices, & perfidies publiques,
qui vont au notable detriment de
Dieu & de son peuple : ains luy seul : qui en ce
cas veut guerre : & à quelque prix que ce soit, en