Monsieur le Duc d’Espernon voyant
que cette prise n’estoit pas de peu d’importance,
il se resolut d’envoyer vn Cãp
volant du costé du Chasteau Trompette
pour tascher de reprendre cette place : il
envoya sa Cauallerie, trois mille Fantassins
auec deux vaisseaux de Mer, flottant
aux murailles de la Ville pour tascher de
faire vne bresche, & d’entrer victorieux
dedans la Ville de Bourdeaux : mais son
dessein reüssit tres mal, car son infanterie
fut défaite à platte cousture, & vne partie
de ses Caualliers pris, ses vaisseaux brisez,
ce qui fit grande peur audit sieur
Duc d’Espernon, mais voulant continuer
dans son dessein, pendant que nos Habitans
trauailloient fort & ferme à se retrancher
pour leur seureté, il enuoya encores
quatre mille hommes, deux mille
Fantassins, & deux mille Caualiers pour
tascher de les surprendre dans leurs tranchees,
ce qui luy reüssit encores tres mal.
Car plus de deux cens caualiers furẽt faits
prisonniers, vne partie de blessez, & biẽ
deux cens de tuez. Voila nostre Bourgeosie
qui commence a s’aguerrir. Ils sont