On admire sa grauité,
Ou bien plustost sa Majesté
Qui paroist en sa contenance,
Imposant à chacun silence.
Elle rend chacun plus humain,
Appaisant tout d’vn tour de main,
Ou d’vn trait d’vn œil agreable
Elle rend le cruel traictable,
Elle va dissipant la peur
Comme vne legere vapeur.
Elle compose vn doux melange
De recompense & de loüange.
De tant d’agreables douceurs
Elle réioüit tous les cœurs.
Si par tout chacun la seconde,
On rendra la terre feconde ;
Salüons tous la saincte Paix,
Et la conseruons pour iamais.

FIN.